Lâm Đồng-Anŏ hiam jua mơñi mơak mơtah mơda sa tơlơi boh pơhiăp pơtruh brơi anŏ phun, aliăng ƀơi mông jơnum lăi pơthâo lu jơlan hơdră pơđĭ kyar tuai čuă ngui mơ̆ng thun 2026-2030, lăng nao pơ anăp adih truh thun 2040, yua kơ Jơnum min mơnuih ƀôn sang tơring čar Lâm Đồng pơphun  kơnôl 25/8 ƀơi Đà Lạt. Ƀing khua mua lăi pơtong, tơdơi kơ pơmut hĭ, Lâm Đồng hơmâo anih či pơđĭ kyar bruă tuai hyu ngui prong hloh, lu mơta hloh, hăng anŏ gêh găl kơ kông ngăn hăng tơlơi či lir hơbit.

Khă tui anun, tơring čar kiăng pơblih phrâo tơlơi pơmin wai lăng anih či nao, pơsir hĭ anŏ kơƀah gơnam hơmâo phara hơjăn, kơtưn lir hơbit plah wah djop tơhnal jơlan či pơtruh, ruăi bơwih brơi kơ khul tuai rơnguai nao ngui; djă kơjăp anŏ gêh găl hiam tuai hyu ngui hơmâo ia rơgơi, anih rơ-ưng gŭ lơ̆n, wai pơgang tơlơi suaih pral hăng bơwih ƀong huă ngui ngor amăng mlam.

Jơnum min mơnuih ƀôn sang tơring čar Lâm Đồng pơsit laih, bruă tuai hyu ngui dưi pơđĭ kyar amăng anih anom sa hnơ̆ng pơkă, pơjing rai rơnoh yom, mut tơma hrŏm djơ̆ găl tơlơi bơwih ƀong huă hăng bruă djă pioh lơ̆n mơnai glai klô, anih dŏ jum dar, gru grua hiam hăng pơđĭ tui tơlơi hơdip mơda kơ mơnuih ƀôn sang.

Lâm Đồng anăp nao pơđĭ kyar bruă tuai hyu ngui mơtah mơda, hiam klă, hơđong kơjăp, tŭ yua hiam, pơđĭ tui boh tơhnal anŏ gêh găl “Dap Kơdư-Ia rơsĭ-Amăng rơ-ưng gŭ lơ̆n”.