Rơngiao kơ hơdôm bruă hơmâo ngă tŭ yua, Bơwih ƀong huă - mơnuih mơnam thun 2023 mơ̆ng Lâm Đồng ăt bưp lu tơlơi tơnap mơn, 4/18 rơnoh pơkă ƀu dưi ngă. Mah tơlơi bơwih ƀong hơmâo djă bong hơnong 5,63% rơnoh đĭ kyar samơ̆ aka ƀu kơjăp ôh. Bruă pơkra măi mok - man pơdong đĭ ƀiă đôč; bruă pơkra gơnam sĭ mơdrô mơ̆ng mơnuih ƀôn sang, bơwih ƀong ƀu gêh gal yua hơmâo bruă pơđĭ nua gơnam ča čot, prăk blơi gơnam pioh man pơkra pơmă.

Bruă pơhrui prăk kơ kơnuk kơna ăt bưp lu tơlơi tơnap, amăng anun hơmâo prăk jia, prăk apah ngă bruă hơmâo kơnong 87,8%, pơhrui mơ̆ng sang dŏ, lŏn tơnah kơnong kơ hơmâo 85,8% mrô pơkă hlâo. Rơngiao kơ anun, prăk tuh pơ alin dŏ kaih, duh lŏn, čuk pơkra lŏn tơnah bưp lu tơlơi tơnap. Bruă pơhưč tuh pơ alin, biă ñu prăk tuh pơ alin mơ̆ng dêh čar tač rơngiao brơi rai kaih. Bruă pơplih ngă hră pơ-ar, pơplih anih tuh pơ alin sĭ mơdrô aka ƀu djơ̆ hăng tơlơi kiăng.