Tơring čar Lâm Đồng tơdơi kơ pơmut hĭ jing đơ đam tơring čar prong rơhaih hloh, lir hơbit mơ̆ng kual Dap Kơdư Di Linh-kual ter tơkai čư̆ trun nao pơ lŏn dăo giăm hang ia rơsĭ, đơ đam prong truh 24.000 km karê, pơtum djop anŏ gêh găl kơ lŏn mơnai glai klô, kông ngăn amăng glai, hlô mơnong arong aruač, kông ngăn yom mơnong hơdip, bruă ba yua apui lơtrik hăng jua angin, tơlơi bơwih ƀong huă mơ̆ng bruă pơgang kyâo glai, tơlơi bơwih ƀong huă mơ̆ng kual ia rơsĭ hăng ngă hmua ba yua boh thâo ia rơgơi phrâo.....

Amăng anun, Dap Kơdư Di Linh pơgang anŏ gơgrong ba yom hloh, pơtruh nao rai hơmâo mơ̆ng jơlan čun čue Bảo Lộc đĭ nao pơ čư̆ jơlan čun čue Prenn, ngă anŏ gơgrong kơjăp pơtruh nao rai amăng djop anih, kual lơ̆m tơring čar. Ƀơi mông jơnum, ƀing khua mua hơmâo lăi pơthâo tơlơi čih lăi nao tơlơi ƀuh, anŏ thâo mơ̆ng gơñu, kiăng pơčrông sai tong ten kơ anăp pơđĭ kyar ƀơi Dap Kơdư Di Linh, tơring čar Lâm Đồng, ngă pơrơđah hloh kơnôl lăi brơi mơ̆ng boh thâo ia rơgơi hăng anŏ hơmâo sit nik; rơkâo đĭ hơbô̆ bruă djơ̆ găl; laih dơ̆ng rơkâo čih pơkra tơlơi phiăn pơkă kơ bruă mă, tơlơi djru kơtang hloh, beč bal pơsir hĭ tơlơi dŏ kơđông, kiăng pơjing pran kơtang pơtrut pơđĭ kyar tơlơi bơwih ƀong huă ƀơi kual lŏn hing ang anai.