Tui hăng tơlơi črâo bruă mơ̆ng Kơnuk kơna, Kơ-iăng khua dêh čar ơi Trần Hồng Hà tŭ ư brơi tơring čar pơdơi hră kĭ pơkôl BOT hăng pơplih glăi jơlan hơdră tuh pơ alin tui Tơlơi phiăn tuh pơ alin bruă kơnuk kơna, pơhlôm djơ̆ hăng bruă dưm dăp, tơlơi phiăn hăng tơlơi dưi wai lăng phrâo tơdơi kơ pơmut hrŏm gong gai.

Tui hăng Tơlơi pơtrun phrâo hơmâo pơsit, Jơnum min pơ ala mơnuih ƀôn sang tơring čar jao kơ Jơnum min mơnuih ƀôn sang tơring čar Lâm Đồng pơphun ngă bruă pơdơi hĭ tuh pơ alin, ngă giong hră pơ-ar tơlơi phiăn bơdjơ̆ nao, laih dong ngă hrŏm hăng hơdôm ding jum, anom bruă gơnong dlông či kơsem min, ba tơbiă hơdră tuh pơ alin phrâo gah rơdêh por pơgiăng tuai ƀơi Tơdron rơdêh por Phan Thiết amăng rơwang pơ anăp.