Tui tơlơi pơtrun hơmâo tŭ yap, đơ đam lŏn mơnai amăng 3 boh tơring glông Dă Huoai, Dă Teh, Cát Tiên amăng tơring čar Lâm Đồng amra pơmut jing sa boh tơring glông phrâo mă anăn lĕ Dă Huoai. Hlâo anun, tơring čar Lâm Đồng hơmâo pơphun mă tơlơi pơgôp hiăp, tui jŭ yap hơmâo rơbêh 96% mrô mơnuih ƀôn sang amăng 3 boh tơring glông tŭ ư hăng bruă pơmut hrŏm.

Tơdơi kơ pơmut hrŏm, tơring glông phrâo Dă Huoai prong rơbêh 1.448 km karê, mrô mơnuih rơbêh 146.000 čô, amăng anun mơnuih djuai ania ƀiă dưm dưm rơbêh 22%. Anih phun tơring glông Dă Huoai amăng pơdong ƀơi tơring kual Dă Teh, tơring glông Dă Teh hơđăp. Ƀrô tal anai, Khul pơ ala mơnuih ƀôn sang tơring čar Lâm Đồng ăt tŭ yap kơ bruă akŏ pơjing 5 boh să phrâo hluai tui bruă pơmut dua boh să jing sa.