Ră anai tơring čar Lâm Đồng hơmâo rơbêh 33 rơbâo anom bơwih ƀong hăng prăk tuh pơ alin rơbêh 350 rơbâo klai. Ƀing mơdrô, sang bruă mơdrô hơmâo ngă hăng glăk gum djru prong biă kơ bruă pơđĭ kyar bơwih ƀong huă - mơnuih mơnam mơ̆ng tơring čar. Ƀơi mông jơnum pơsur tuh pơ alin phrâo rơgao, Jơnum min mơnuih ƀôn sang tơring čar Lâm Đồng hơmâo brơi hră tuh pơ alin, hră pơsit čih anăn tuh pơ alin kơ hơdôm sang bruă bơwih ƀong mơdrô hăng mrô prăk mơ̆ng 9 kơčăo bruă lĕ rơbêh 35.000 klai.

Tơring čar ăt kĭ hră hơdor pioh tơlơi ngă hrŏm hăng 12 anom bruă tuh pơ alin pơƀut gah bruă amuñ pơđĭ kyar, hơmâo lu tơlơi gêh gal. Bruă pơhưč hơmâo lu anom bruă mơdrô tuh pơ alin jing tơlơi pơphun  brơi klă biă, djru Lâm Đồng dưi kơtưn truh thun 2030 jing tơring čar đĭ kyar, kah hăng tơlơi kiăng mơ̆ng Jơnum ping gah tơring čar ba tơbiă./.