Truh ră anai, kơčăo bruă pơkra ming jơlan prong 28B glăk tuh pơtâo rơga tơtŏm atur hơmâo 44/62km, tuh bê tông kơsu kjăp năng ai 37/62km. Bruă čuk pơkra pok jơlan hơmâo ngă giong 95%. Bruă man pơkra anai jing kaih hăng tơlơi kiăng. Phun ñu lĕ yua pô tuh pơ alin aka ƀu ba yua djŏp măi mok, mơnuih mă bruă, lơ̆m anun pô gơgrong git gai ƀu khut ôh.

Nao sem lăng tơl anih, Khua jơnum min mơnuih ƀôn sang tơring čar ơi Hồ Văn Mười lăi, Jơlan prong 28B jing jơlan yom phun, “pơsit dưi hăng ƀô̆ mơ̆ng Lâm Đồng amăng thun 2026”, anun ƀu dưi jăm yua kaih jao lŏn čuk pơkra jơlan ôh mơ̆ ngă kaih. Ñu pơsit: “Tơdah anom bruă tuh pơ alin ngă bruă tơdu, ƀu djơ̆ hăng tơlơi kiăng, khŏm plih hĭ; tơdah pô tuh pơ alin ƀu dưi git gai črâo bruă, ăt kiăng plih hăng pô pơkŏn mơn”.

Ơi Hồ Văn Mường kiăng djŏp anom bruă bơdjơ̆ nao čih pơkra giong hră pơ-ar, kĭ hră duh prăk lŏn pơkra jơlan dŏ glăi hlâo lơ 30/10/2025. Laih dong, amăng rơwang hrơi tơjuh anai, khŏm čih pơkra hơdră ngă bruă rơđah rơđông, pơhlôm pơkra giong hlâo lơ 31/12/2025 tui tơlơi jao blung a.