Jơnum ba tơbiă hơnong pơkă pơtrut tañ pơđĭ kyar GRDP amăng đơ đam rơwang ngă bruă mơng 10-10,5% ha thun; GRDP rĭm akŏ mơnuih truh thun 2030 mơng 6.700-7.500 đôlar Mi. Năm grup hơdră bruă hơmâo: pơplih kơtang  hơbô̆ bruă pơđĭ kyar hluai tui yua boh thâo ia rơgơi hăng pơplih pơčeh phrâo; pơsir hĭ tơnap tap, pơtrut ngăn rơnoh amăng pơđĭ kyar bơwih ƀong huă-mơnuih mơnam; pơgiong bruă dưm dăp, wai lăng lŏn mơnai, glai kyâo, wai pơgang jum dar; pơđĭ kyar gru grua, pơtô pơjuăt, ia jrao, pơhlôm brơi tơlơi hơdip mơnuih mơnam; kơtưn amăng wai pơgang rơnuk rơnua, pơtom hiăp; hăng pơjing Ping gah, anih anom kơđi čar mă bruă klă, tŭ yua.