VOV4.Jarai - Mơguah lơ 14/10, tơring čar Lâm Đồng hmâo pôr hyu kông điêng mơng Khua Jơnum min mơnuih ƀôn sang tơring čar kơ bruă gơgrong hlâo prăp lui bŏng glăi hăng ia ling kor, ia ling dăo hăng lŏn tơhroh ƀơi tơring čar. Ƀơi anăp tơlơi ngă glêh tơnap mơng ayuh hyiăng, pơkă lăng hlâo amăng hơdôm hrơi pơ̆ anăp, ƀơi tơring čar Lâm Đồng hmâo hơjan prong, angin kơtang, amra ngă ia ling kor, ia ling dăo hăng lŏn tơhroh ƀơi lu kual.

Lâm Đồng glăk tañ pok pơhai hơdôm bruă prăp lui bŏng glăi hăng ayuh hyiăng ƀu klă

Kiăng plai ƀiă răm rai đang hmua, kông ngăn hăng pơgang pơhlôm kơ mơnuih ƀôn sang, Khua Jơnum min mơnuih ƀôn sang tơring čar rơkâo Grŭp git gai pơgang, pơgăn ayuh hyiăng ƀu klă ngă hăng hyu ĕp mơnuih hmâo tơlơi truh, hơdôm gơnong bruă, jơnum min, anom bruă, khul grŭp hăng Jơnum min mơnuih ƀôn sang hơdôm bôh tơring glông, plơi prong amăng tơring čar tañ pok pơhai mơtăm hơdôm bruă bŏng glăi. Biă ñu đing nao pơphun dô̆ gak hrơi mlăm, hmao črâo ba, gơgrong hlâo pok pơhai bruă bŏng glăi tui jơlan gah “4 mơta bruă hơđăp”, “3 bruă prăp lui”; hmao ba đuăi mơnuih ƀôn sang nao pơ̆ anih pơhlôm huĭ kơ hmâo ia ling kor, ia ling dăo, lŏn tơhroh./.

VOV.TN čih

Siu H’ Prăk pơblang