Bruă dăp glăi mơnuih mă bruă ƀu kơnong kiăo tui tơlơi hrăm, hră pơ-ar, ƀang hrăm bruă, thun mă bruă đôč ôh, ăt kiăo tui tơlơi rơgơi, pran gơgrong bruă hăng tơlơi tŭ yua mơ̆ng bruă mă. Lu mơnuih apăn bruă thun hlăk ai, hơmâo tơlơi pơmin phrâo, khin pơmin, khin ngă bruă, hơmâo jao bruă yom.

Ơi Hồ Văn Mười, Khua jơnum min mơnuih ƀôn sang tơring čar Lâm Đồng brơi thâo, lơ̆m hơmâo jao bruă djơ̆ lăp, amra pơtrut tui tơlơi rơgơi, tơlơi gơgrong bruă, ngă bruă tañ hloh, tŭ yua hloh, plai ƀiă bĕ hĭ bruă tơnap, pơđar pô pơkŏn ngă, mơ̆ng anun ngă kjăp tui tơlơi kơnang mơ̆ng Mơnuih ƀôn sang hăng gong gai. Boh nik ñu brơi ƀuh, bruă dưm dăp ngă bruă djơ̆ pô, djơ̆ bruă mơ̆ng tơring čar Lâm Đồng ƀu kơnong jing tơlơi kiăng ƀơi anăp đôč ôh, ăt jing hơdră ngă bruă sui, pơƀuh tơlơi gir prong biă mơ̆ng tơring čar amăng bruă akŏ pơdong khul khua rơgơi, kjăp tơlơi pơmin, ngă mơnuih đăo kơnang, kiăo tui bruă jao phrâo, djru pơtrut đĭ kyar bơwih ƀong huă - mơnuih mơnam hơđong hloh./.