VOV4.Jarai - Tlam lơ 7/10, Gơnong bruă pôr pơhing tơring čar Lâm Đồng hơmâo pơphun jơnum bruă pơplih mă yua boh thâo mrô yua kơ tơlơi hơdip hiam hloh. mông jơnum pioh lu mông bơkơtuai, lăi pơthâo kơ anŏ klă, tŭ yua mơng bruă pơplih mă yua mrô ba glăi. Amăng anun pơƀut pơblang rơđah pơplih phrâo mrô amăng bruă wai lăng prăk kăk kơnuk kơna; pơhlôm hơđong tơlơi pơhing, krăp lăng hăng pơsir hĭ tơlơi ƀu klă amăng bruă ngă hơgŏm brơi tơlơi pơhing amăng bruă pơplih mă yua mrô; lăi nao abih bang bruă bơdjơ̆ nao pơplih phrâo hăng mrô...

Mông jơnum

Ră anai, abih bang să, phường, tơring kual mơng Lâm Đồng hơmâo akŏ pơdong grup mă yua boh thâo mrô amăng plơi pla, hơmâo rơbêh 4.000 čô mơnuih, 96% kual plơi pla hơmâo hrĕ mạng, hơmâo mạng telephôn djă hyu. Hơdôm anom bruă Ping gah, gong gai hơmâo blơi măi computer, pơkĕ mạng internet đuăi hmar...djơ̆ hăng tơlơi kiăng mă yua boh thâo phrâo hăng mrô.

Siu H’Mai: Pơblang