Pioh pơđŏm glăi tơlơi pơtô mơng wa Hô kiăng khăp, gơnong bruă pơtô pơjuăt tơring čar Lâm Đồng ƀu pơdơi pơplih phrâo, gir run găn rơgao tơnap tap, hrưn đĭ klă amăng pơtô pơjuăt djop mơta; đing nao pơtô brơi pran hơdip hiam, hơdip klă, pơsur pran glăm ba, tuh rơyuh hăng gir run hrưn đĭ amăng mơnuih apăn bruă wai lăng, nai pơtô hăng čơđai sang hră.

Amăng mông apah bơni hơmâo 15 grup hăng 69 čô mơnuih ba gru amăng bruă hrăm hăng ngă tui tơlơi pơmĭn, kơnuih, gru hơdip mơng Hồ Chí Minh hơmâo pơpŭ brơi; 104 čô čơđai mă pran amăng tal pơplông ruah čơđai rơgơi dêh čar thun hrăm 2025-2026 hăng 134 čô čơđai mă pri mrô sa tal pơplông čơđai rơgơi gưl tơring čar hơmâo jao hră pơpŭ mơng Ding jum pơtô pơjuăt, hră pơpŭ mơng Jơnum min mơnuih ƀon sang tơring čar Lâm Đồng hăng hră pơpŭ mơng gơnong bruă pơtô pơjuăt tơring čar.