Truh ră anai, 100% mrô sang bruă kơnuk kơna mơ̆ng tơring čar truh pơ să tơring čar Lâm Đồng hơmâo pơtruh nao rai tơlơi pơhing amăng plang internet, pioh lăi pơthâo mrô yua hrŏm; hră pơar amăng điện tử, boh hră kĭ amăng điện tử hơmâo mă bruă hơđong truh 93%. Ƀơi bơnah tơlơi pơhing kơ bruă čar, giăm 92% mơta hră pơar pơsir online amăng điện tử; mrô hră pơsir djơ̆ hrơi blan pơkă lĕ rơbêh 97%, mơ-it tui ia rơgơi mrô, ba yua mrô hrŏm abih bang truh kơ 95%.

Tui hăng ơi Lê Thanh Liêm, Kơ-iăng Khua Gơnong bruă wai lăng Boh thâo ia rơgơi phrâo tơring čar Lâm Đồng, bruă ba yua atur mrô djru mơ-it mrô rơnoh, hră pơar mơ̆ng tơring čar hăng pơ să, phường, pơhrŏ ƀiă rơnoh hră pơar djă ba, ngă ƀiă mông pơsir amăng hră pơar. Khă hnun, tơring čar ăt bưp lu tơlơi tơnap tap yua mrô rơnoh djă pioh aka ƀu pơtum sa nih, bruă pơtong rơđah anŏ djơ̆ ten dŏ kaih hăng kơƀah mơnuih thâo bruă gah  tơlơi pơhing gưl să. Pơ anăp anai, Gơnong bruă wai lăng boh thâo ia rơgơi phrâo tơring čar Lâm Đồng amra pơtum pơsir hơdôm mrô rơnoh yua hrŏm, pơđĭ tui boh tŭ yua mơ̆ng Sang bruă git gai tơlơi kơhnâo rơgơi hăng pơđĭ tui mrô mơnuih thâo hruaih ia rơgơi mrô ƀơi să.