Tui hăng tơlơi pơtŏng lăng, mơ̆ng blan 6/2025 truh ră anai, pô tuh pơ alin glăk hơmâo ngă năng ai 20% đôč bruă hyu ĕp, hrip, klơi mă boh pơtuh, boh min hăng pơkra boh thâo kĭ thuâ̆t, hră pơ-ar čih pơkra boh thâo ia rơgơi, čih pơkra kač rup jơlan aka ƀu djơ̆ hăng tơlơi kiăng; anom bruă, mơnuih mă bruă aka ƀu dăp giong lơi, aka ƀu ngă hrŏm klă hăng gong gai ôh.

Jơnum min mơnuih ƀôn sang tơring čar kiăng hơdôm anom bruă tuh pơ alin tañ dăp giong anih ngă bruă, hơmâo anih či git gai man pơkra jơlan ƀơi Đà Lạt hăng hơdôm anom bruă pơ anih man pơkra; čih pơkra hơdră ngă bruă, hrơi mông man pơkra, pơsit bruă kiăng ngă akŏ phun amăng blan 1/2026, laih dong ngă hrŏm hăng hơdôm anom bruă sem lăng glăi tong ten, ngă hlâo gah bruă jao lŏn pioh čuk jơlan.