Hăng anăn ñu “Đà Lạt – Plơi prong pă bơyan bơnga”, Festival bơnga Đà Lạt tal 9 thun 2022 pơphun amăng 2 blan, mơng lơ 1/11 truh abih lơ 31/12. Hrom hăng hơdôm jơlan hơdră phun bruă jơnum ngui biă ñu ƀơi Đà Lạt, rơbêh kơ 40 jơlan hơdră anăp nao ăt pơphun hyu djop mơn ƀơi djop hơdôm anih anom pơkon amăng tơring čar.

Ră anai sa dua jơlan hơdră anăp nao hmâo pơphun tui laih ƀơi sa dua bôh tơring glông, plơi prong amăng tơring čar kah hăng: Jơnum ngui pơdah ao dai bơnga, pơdă prưng hăng lăi pơthâo hơdôm gơnam mă mơng đang hmua, jơnum ngui Vang phrâo jơman... Tal anai amra hmâo bruă pơdă prưng, lăi pơthâo hơdôm gơnam mă mơng đang hmua djă anăn “Đà Lạt – Ruah mă klă mơng lŏn hiam”, bơnga lĕ phun ñu glăk dưi hmâo gong gai plơi pla, mơnuih ƀôn sang hăng anom bơwih ƀong prăp lui tañ pioh kơ bruă tuai čuă lăng, biă ñu hơdôm phun bơnga dưi pơdă ƀơi hơdôm kual hmâo lu mơnuih jưh, hơdôm ară jơlan phun hăng hăng jum dar dơnao Xuân Hương./.