Truh ră anai, Jơnum min ruah khua tơring čar Lâm Đồng, pơtrun 159 hră git gai kơ 124 boh să, phương hăng kual wai lăng hơjăn, pơtô brơi rim bruă kiăng ngă, pơhlom djơ̆ hrŏm abih bang, djơ̆ tơlơi phiăn mơ̆ng Kơnuk kơna hăng abih bang bruă leng kơ hơmâo ngă giong hlâo kơ hrơi pơkă. Hơdôm anom apăn bruă mă yua boh thâo mrô, mă yua boh thâo pôr pơhing bruă ruah khua.

Bruă in hră pơ-ar bơwih brơi bruă ruah khua hơmâo ngă ječ ameč lăp djơ̆. Abih bang anăn mơnuih či ba ruah tui rim anih ruah khua, čih pơhing djŏp tơlơi bơdjơ̆ nao mơnuih či ruah hăng 20 mơta hră pơ-ar bơdjơ̆ nao hăng mrô hră rơbêh 6,6 klăk pok hră hơmâo in, brơi nao pơ 124 boh să phương hăng kual wai lăng phara amăng tơring čar. Gơnong bruă čar tơring čar Lâm Đồng pok anih pơtô brơi hơdôm anih ruah khua ƀơi tơring čar hăng glăk pơtŏp brơi tong ten hloh kơ 2.301 čô mơnuih amăng Grup ruah khua./.