Bruă jao dưm dăp hrŏm să Đức Trọng hơmâo pơčlah jing 2 rơwang truh thun 2030 hăng ngă sui truh thun 2050. Hơnong pơkă sui thun tuh pơ alin man pơdong să Đức Trọng jing plơi prong akŏ phun tơbiă hyu jar kmar; pơlir ha amăng plĕ kơ anih anom, jơlan glông pơlir kual hăng hơdôm ară jơlan rơdêh đuăi hmar hăng tơkuh nao rai hăng tơdron rơdêh por jar kmar Liên Khương; man pơdong pơđĭ kyar Anih anom ngă bruă phun-anom bruă kơđi čar tơring čar Lâm Đồng ngă anih pơtrut phrâo brơi pơđĭ kyar hrŏm amăng să Đức Trọng hăng kual ieo gah…

Jơnum min mơnuih ƀon sang tơring čar Lâm Đồng jao hơdôm gơnong bruă, sang bruă, anom bruă bơdjơ̆ nao hăng Jơnum min mơnuih ƀon sang să Đức Trọng gum hrŏm kiăng djru brơi bruă akŏ pơjing, sem lăng hăng tŭ yap akŏ bruă dưm dăp man pơdong; pơhlôm hră pơ-ar dưm dăp hơmâo pơjing ha amăng plĕ, mut hrŏm, dưi ngă sit nik hăng lăp djơ̆ hăng jơlan gah pơđĭ kyar amăng tơring čar. Hrơi blan him lăng amra pơgiong dưm dăp amăng rơwang tal II/2026, mă yua ngăn drăp ƀon lan.