Tui tơlơi klah čun, ơi Nguyễn Văn Phương, thun tơkeng lơ 8/2/1966 hơmâo ruah đĭ ngă Khua Jơnum min mơnuih ƀon sang plơi prong Bảo Lộc, hăng mrô hră dong yua 96,77% mơng ƀing khua mua nao plĕ hră. Ơi Nguyễn Văn Phương lĕ Khua khul bơwih ƀong huă - Sang bruă prăk Khul pơ ala mơnuih ƀon sang tơring čar Lâm Đồng hơđăp.

Khul pơ ala mơnuih ƀon sang plơi prong Bảo Lộc plĕ hră ruah Khua Jơnum min mơnuih ƀon sang plơi prong

Lơ 19/10 laih rơgao, ñu hơmâo Khul apăn bruă Ping gah tơring čar Lâm Đồng jao nao mă bruă pơ Khul Ping gah plơi prong Bảo Lộc, mă bruă hrŏm Khul apăn bruă, ngă Kơ-iăng Khua khul Ping gah plơi prong Bảo Lộc rơwang thun 2020-2025; laih dong, lăi pơthâo kiăng Khul pơ ala mơnuih ƀon sang plơi prong Bảo Lộc ruah đĭ ngă Khua Jơnum min mơnuih ƀon sang plơi prong Bảo Lộc, rơwang thun 2021-2026. Ăt amăng rơwang thun mă bruă anun, Khua Jơnum min mơnuih ƀon sang plơi prong Bảo Lộc lĕ ơi Đoàn Kim Đình, hơmâo Khul apăn bruă Ping gah tơring čar Lâm Đồng jao bruă phrâo hăng ruah đĭ ngă Khua kông ti TNHH sa ding kơna Xổ Số kiến thiết Lâm Đồng.