Rơbêh kơ 3.100 čô mơnuih hăng 1.600 grŭp amăng khul ling tơhan dưi pơsit bơni, brơi ƀuh tơlơi lar hyu prong dơlăm hăng bôh tơhnal mơ̆ng bruă pơsur. 10 thun rơgao, khul ling tơhan tơring čar Dak Lak hmâo pơjing laih hơdôm pơplih yôm phăn mơ̆ng “Tơlơi pơmin” truh “Ngă tui” tơlơi pơmin, pran jua, kơnuih mơ̆ng Wa.

Lơm pok pơhai hmâo laih lu hơdră thâo ngă, hơdră ngă klă, dưi pơhư prong ƀơi hơdôm bôh ƀirô, puih kơđông, kah hăng: Jơlan hơdră pôr pơhing “Rim hrơi sa tơlơi Wa Hồ pơtô”; hơdră “Lăi ƀiă, čih rơguăt, pơphô djơ̆, pơtô brơi dơlăm, pel ĕp kơjăp, ba glăi bôh tơhnal prong”; hơdôm bruă pơphun “Hrơi 6 gum djru”, “Hrơi tơjuh mơtah”, “lăp djơ̆ hăng anăn Ling tơhan Wa Hồ rơnuk phrâo”... Tal anai, Ping gah - Ƀirô git gai khul ling tơhan tơring čar Dak Lak hmâo bơni 35 grŭp hăng mơnuih ba gru hlâo pơplih phrâo amăng hrăm hăng ngă tui tơlơi pơmin, pran jua, kơnuih Hồ Chí Minh rơwang 2016-2025./.