VOV4.Jarai - Tal Jơnum lok 4, Khua pơ ala mơnuih ƀôn sang dêh čar ta tal 15 amra jơnum amăng 21 hrơi mă bruă, pok phun amăng mơguah kơ 20/10 hăng pơđut amăng čơtlăm lơ 15/11. Anai lĕ tơlơi pơhing dưi hmâo Anom bruă Khua pơ ala mơnuih ƀôn sang brơi thâo amăng mông jơnum hăng mơnuih mă tơlơi pơhing phrâo čơtlăm lơ 17/10. Amăng tal jơnum anai, Khua pơ ala mơnuih ƀôn sang pơkă hlâo pel ĕp 7 rơwang bruă Tơlơi phiăn, 3 hră čih Tơlơi pơtrun pơsit. Khua pơ ala mơnuih ƀôn sang ăt gum pơhiăp mơn kơ 7 rơwang bruă Tơlơi phiăn, amăng anun lăp đing nao lĕ rơwang bruă Tơlơi phiăn lŏn drŏn (pơplih pơkra glăi). Pel ĕp hơdôm tơlơi lăi pơthâo glăi kơ: Pơsit bôh tơhnal ngă tui kơčăo bruă pơđĭ kyar bơwih ƀong mơnuih mơnam, pơkă hlâo ngăn prăk mă yua, kơčăo bruă tuh pơplai bruă hrom prăk ngăn drăp kơnuk kơna. Khua pơ ala mơnuih ƀôn sang lăng tui akô̆ bruă “Bruă ngă tui hơdră bruă, tơlơi phiăn hăng pơkrem, pơgăn ngă khưi khai rơwang 2016-2021. Bơdjơ̆ nao tơlơi ia xăng ia jâo hơdôm hrơi rơgao ngă lu tơlơi ƀu mơ-ak kơ mơnuih ƀôn sang. Kơ-iăng Khua Jơnum min bơwih ƀong mơng Khua pơ ala mơnuih ƀôn sang Nguyễn Minh Sơn lăi rơđah bruă Gong gai dêh čar kiăng črâo ba pioh hơdôm bôh ƀirô apăn bruă pơjing hơdră pơkă nua sĭ hyu raih daih lăp djơ̆ hloh, pơhlôm rah bôh tŭ yua mơng mơnuih ƀôn sang, anom bơwih ƀong ăt kah hăng bôh tŭ yua mơng hơdôm mơnuih hyu sĭ mơdrô phun sĭ blơi hăng dêh čar tač rơngiao, anom sĭ hyu raih daih ia xăng ia jâo./.

VOV/Siu H’ Prăk pơblang