Tơdơi kơ hơmâo tơlơi truh lŏn tơhlŏm, ƀing tơhan lu sang bruă gah kơnuk kơna nao dăng hrĕ pơgăn hĭ dua bơnah jơlan, kom rô nao rai jăng jai, pioh pơhlom brơi rơnuk rơnua kơ mơnuih ƀôn sang.

Čih pioh hơmâo 5 bit anih lŏn dlưh tơhlŏm, amăng anun anih hơmâo tơlô̆ pơtâo pơprong dlưh trun mơ̆ng kriăng čư̆ Taluy pơngŏ, lê̆ trun dor pơgăn hĭ jơlan  rơdêh. Jơnum min mơnuih ƀôn sang să Sơn Điền hlăk ngă hrŏm tơhan pơlih jơlan glông gah kông an tơring čar Lâm Đồng dŏ cơkă mă bruă hrơi mlam, pơblih nao rai, pơgăn jơlan hăng pơčrâo brơi jơlan kơ mơnuih ƀôn sang nao rai ƀơi dua bơnah, ƀu brơi nao pơ anih hŭi rơhyưt lŏn dlưh. Sang bruă wai lăng jơlan glông ăt hlăk pơtum mơnuih mă bruă, ba nao măi mok pơ anih lŏn tơhlŏm pioh čuk kuăi hĭ lŏn dlưh, pơhluh jơlan nao rai tañ.