Ƀing mơnuih tơbiă anăn hơmâo kah pơpha ƀơi 18 anih plĕ hră kiăng mơnuih ƀôn sang ruah mă, plĕ hră ruah 85 čô khua mua Jơnum min pơ ala mơnuih ƀôn sang tơring čar tal XIII. Amăng mrô mơnuih tơbiă anăn hơmâo lu khua mua tơring čar Gia Lai. Pơhmutu ơi Phạm Anh Tuấn-Khua Jơnum min mơnuih ƀôn sang tơring čar, ơi Rahlan Chung-Khua Jơnum min pơ ala mơnuih ƀôn sang tơring čar.

Amăng anăn anai ăt hơmâo lu mơnuih pơ ala djuai ania ƀiă anun lĕ djuai ania Jarai, Bahnar, Hrê; hrŏm hăng lu mơnuih kŏm drơi tui đăo, pơhlôm djop bơnah, pơ ala brơi abih bang mơnuih ƀôn sang. Ră anai anăn 138 čô mơnuih tơbiă anăn hơmâo lăi pơthâo tui tơlơi pơkă. Ră anai bruă prap lui plĕ hră ƀơi Gia Lai glăk pok pơhai klă, djơ̆ hrơi mông. Đơ đam tơring čar hơmâo 2.179 kual plĕ hră, djru brơi rơbêh 2,58 klăk čô mơnuih ƀôn sang.