Dưi pơphun mơ̆ng 7/3, bruă pơphun bơkơtưn phara čơkă mơ-ak hơdor glăi 120 thun Hrơi pơdŏng tơring čar Dak Lak hăng anăn ñu "Tơlơi čang rơmang pơdŏng tơring čar Dak Lak pơdrŏng asah klă hiam, thâo rơgơi, lu gru grua" hmâo laih lu bôh tơhnal lăp pơsur pran jua.

Hơdôm bôh ƀirô, anom bruă, tơring glông, plơi prong amăng tơring čar hmâo pok pơhai lu bruă mă sit nik, ba glăi bôh tơhnal, mơ̆ng anun, hmâo lu hơdră ngă gru, rơđah biă ñu kah hăng: Kông ang tơring čar Dak Lak hmâo ngă giong 1.200 ring bruă sang dô̆ djru sang anô̆ ƀun rin tơnap kơ sang dô̆, sang anô̆ gah hơdră bruă, neh wa djuai ania ƀiă tơnap ƀơi tơring čar; Jơnum min djop djuai ania mơnuih mơnam dêh čar Việt Nam tơring čar pok pơhai pơdŏng 300 bôh sang dô̆ gum hrŏm hơbit kơ hơdôm bôh sang anô̆ ƀun rin; Jơnum min mơnuih ƀôn sang tơring glông Krông Pač pok pơhai hơdră "Hơdip amăng pran jua mơnuih ƀôn sang”; Jơnum min mơnuih ƀôn sang plơi prong Buôn Ma Thuột hăng hơdôm rơwang bruă đang bơnga Phan Huy Chú gŏng kut Mậu Thân, đang bơnga Nguyễn Tất Thành./.