Mă yua sang pơmut apui lơtrik kơ rơdêh đuăi hăng lơtrik blung a ƀơi Dak Lak
Thứ ba, 14:22, 15/11/2022
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Lơ 14/11, Group ia săng ia jâo Việt Nam (Petrôlimex) hăng kông ty pơkă hnong tơlơi dưi sĭ mơdrô hăng bơwih bơwăng VinFast jơnum mă yua Anih pơmut apui lơtrik kơ rơdêh đuăi hăng lơtrik blung a ƀơi Dak Lak.
Anih pơmut apui lơtrik anai dưm ƀơi sang sĭ mơdrô ia săng mrô 63 gah kông ty ia jâo Nam Tây Nguyên, ƀơi jơlan 30/4, phường Ea Tam, plơi prong Ƀuôn Ma Thuôt. Anai lĕ, anih pơkĕ ƀudah pơmut lơtrik blung a amăng glông bruă pơdong sang pơkĕ apui lơtrik ƀơi anih sĭ ia săng gah Group ia săng ia jâo Việt Nam amăng kual Dap Kơdư dưi pơphun ba yua sit nik. Pơ anai, hơmâo 3 tơmeh phun pơkĕ apui lơtrik pơmut hmar, sa tơmeh pơkĕ jua kơtang 60 kW, dưi pơkĕ brơi rơdêh ƀing tuai pơmut apui lơtrik kơ rơđeh đĭ.
Thun pơ anăp, Group ia săng ia jâo Việt Nam, ngă hrom Kông ty pơkă hnong tơlơi dưi sĭ mơdrô hăng Bơwih bơwăng VinFast pok pơhai dưm truă 500 boh anih pơkĕ apui lơtrik amăng sang sĭ mơdrô ia săng ia jâo mơ̆ng group anai ƀơi đơ đam dêh čar.
Viết bình luận