Amăng mơguah anai, Jơnum min apăn bruă Khua pơ ala mơnuih ƀôn sang dêh čar ta gum pơhiăp kơ rơwang bruă Tơlơi phiăn djă pioh (pơplih pơkra). Tơlơi phiăn djă pioh dưi mă yua thun 2011 hmâo pơjing laih gru than tơlơi phiăn yôm phăn kiăng wai lăng bruă djă pioh amăng rơwang đơ đam dêh čar.

Ăt amăng hrơi anai mơn, Jơnum min apăn bruă Khua pơ ala mơnuih ƀôn sang dêh čar ta gum pơhiăp kơ rơwang bruă Tơlơi phiăn pơphun bruă Sang phăt kơđi mơnuih ƀôn sang dêh čar ta (pơplih pơkra); gum pơhiăp kơ bruă prăp lui tal jơnum lok 6 Khua pơ ala mơnuih ƀôn sang dêh čar. Jơnum min apăn bruă Khua pơ ala mơnuih ƀôn sang dêh čar ta ăt pel ĕp mơn tơlơi lăi pơthâo glăi mơ̆ng Gong gai dêh čar, Sang phăt kơđi mơnuih ƀôn sang dêh čar, Anom pel ĕp kơđi tơlơi mơnuih ƀôn sang dêh čar, Pel ĕp prăk mă yua kơnuk kơna hăng tơlơi lăi pơthâo glăi mơng Khua čih pioh Khua pơ ala mơnuih ƀôn sang dêh čar ta ruah mă bôh yôm pel ĕp bruă ngă tui sa dua mơta tơlơi pơtrun pơsit mơng Khua pơ ala mơnuih ƀôn sang tal 14 kơ lăng tui akô̆ bruă, tơña hăng tơlơi pơtrun pơsit mơ̆ng Khua pơ ala mơnuih ƀôn sang gah lăng tui akô̆ bruă, tơña mơ̆ng akô̆ rơwang bruă tal 15 truh abih rơwang jơnum lok 4./.