Ƀơi mông bưp, dua čô khua lăi dlăm hăng pơsit anŏ yom mơ̆ng bruă pơđĭ tui hloh gong tơmeh ngă hrŏm ling tơhan pơgang lŏn ia, rơnuk rơnua, pơtom hiăp, kiăng bong kjăp ngă hơđong kơđi čar, rơnuk rơnua mơnuih mơnam; lăng anai jing sa amăng hơdôm gong tơmeh yom biă mơ̆ng tơlơi rô nao rai yom plah wah Việt Nam hăng Lao.

Dua bơnah pơsit amra tŏ tui hơdôm boh tŭ yua glăk hơmâo, laih dong pơplih tui klă hloh, ngă hrŏm tŭ yua hloh amăng djŏp bruă mă. Mơ̆ng anun, dua boh dêh čar amra sem lăng čih pơkra hơdră ngă hrŏm phrâo lăp djơ̆, kiăng pơđĭ tui hloh tơlơi rô nao rai yom pơphăn plah wah Việt Nam hăng Lao, ba glăi tơlơi gêh găl sit nik kơ mơnuih ƀôn sang rim boh dêh čar hăng gum pơgôp kơ tơlơi rơngai, ngă hrŏm hăng pơđĭ kyar mơ̆ng kual ăt kah hăng ƀơi rŏng lŏn tơnah.