Bâo glăi tơhnal pơkă Jơnum tal 13 mơ̆ng Ping gah dêh čar lĕ truh thun 2025 đơ đam dêh čar hmâo 3.000 km jơlan đuăi hmar hăng truh thun 2030 đơ đam dêh čar hmâo 5.000 km jơlan đuăi hmar; lăi rơđah, mrô bruă pok pơhai thun 2024 lĕ prong biă, hơdôm mông dô̆ glăi kơnong kơ dô̆ 7 blan, Khua dêh čar rơkâo hơdôm ding jum, gơnong bruă, tơring čar ƀôn prong kiăng ngă klă, khut khăt hloh dong, đing nao pơtlaih hơdôm tơlơi tơnap, tơlơi gun, pok pơhai hơdôm bruă mă pioh hơdôm rơwang bruă dưi pok pơhai pơhlôm rơnoh bruă, anô̆ klă, tŏng teng – hiam, pơhlôm, kơjăp anih anom, kơdŏng hưp ƀong kông ngăn, tơlơi ƀu klă.
Gah pok pơhai ngă tui, Khua dêh čar rơkâo hơdôm tơring čar, ƀôn prong pơtrut ƀing tuh pơplai iâo pơhrui djop mơnuih mă bruă, gơnam tam pioh ngă tui hrŏm hăng wai lăng kơjăp rơnoh bruă, anô̆ klă hăng hmao pơtlaih hơdôm tơlơi tơnap, tơlơi gun djơ̆ tui kơčăo bruă ba tơbiă; hăng hơdôm rơwang bruă kaih rơnoh kiăng črâo ba ƀing tuh pơplai pơhrua nao mơnuih mă bruă gơnam tam pioh pok pơhai ngă tui pơhlôm rơnoh hơdôm rơwang bruă./.
Viết bình luận