Ƀut tơlơi gah bruă man pơdŏng đing nao tơlơi, jơlan gah kiăng klă bruă pơkă kual hăng wai lăng pơđĭ kyar plơi prong mơng Việt Nam, biă ñu ƀơi hơdôm bôh ƀôn  prong pơprong. Bruă ba đuăi anih mă bruă ding jum, gơnong bruă mơng kual ƀôn prong Hà Nội. Wai lăng bruă sĭ lŏn sang; bruă pơsir hơdôm khul grŭp, mơnuih ngă soh tơlơi phiăn amăng bơwih hră pơ-ar, iâu pơhrui ngăn drăp, sĭ mơdrô lŏn sang.

Bruă pơdŏng sang dô̆ mơnuih mơnam kơ mơnuih hmâo prăk pơhrui glăi ƀiă, mơnuih mă bruă, biă ñu ƀơi hơdôm kual bơwih ƀong, kual sang măi hăng hơdôm bôh ƀôn prong pơprong. Bruă gơgrong wai lăng kơnuk kơna mơng Ding jum man pơdŏng amăng bruă man pơdŏng, mă yua, ngă tui hơdôm tơhnal pơkă bôh thâo măi mok, nua pơkă, rơnoh pơkă amăng man pơdŏng. Kơ-iăng Khua dêh čar ơi Lê Văn Thành, Khua ding jum hơdôm Ding jum kơčăo bruă hăng tuh pơplai, Prăk kak, Jơlan nao rai dŭ pơgiăng, Kông ngăn dlai klô hăng rơhuông adai lŏn mơnai, Wai lăng mơnuih mă bruă tơhan rơka ruă hăng mơnuih mơnam, Khua Sang prăk Kơnuk kơna Việt Nam, Pel ĕp prăk mă yua mơng Kơnuk kơna hrom hăng lăi glăi tơlơi tơña, lăi pơblang kơ hơdôm tơlơi hmâo bơdjơ̆ nao./.