Amăng hơdôm mông jơnum, ƀing tơbiă anăn lăi pơthâo jơlan hơdră bruă mă hăng pran gơgrong, đing nao hơdôm bruă mơnuih ƀôn sang đing nao anun lĕ pơđĭ kyar ngă hmua hơđong kjăp pơlir hăng tơlơi bơwih ƀong mơtah; wai lăng, mă yua klă lŏn mơnai, tuh pơ alin man pơkra jơlan glông, apui lơtrik, ia yua amăng plơi pla; hrưn đĭ klă bruă pơtô pơjuăt, bơwih brơi tơlơi suaih pral mơnuih ƀôn sang; pơtrut kơtang bruă pơplih ngă hră pơ-ar, pơplih mrô.

Lu mơnuih tơbiă anăn pơsit tong amra tŏ tui pơlăi nao rai kjăp phik hăng mơnuih ƀôn sang, đing tơngia hmư̆ na nao hăng lăi pơthâo tơlơi rơkâo, tơlơi čang rơmang sit nik mơng mơnuih ƀôn sang.

Hơdôm mông jơnum pơphun ngă pô, tơpă sit, pơhưč lu mơnuih ƀôn sang mut hrŏm. Lu mơnuih lăng yôm bruă prap lui tong ten, klă hloh mơng ƀing mơnuih tơbiă anăn ruah ngă khua mua.