Tui hăng Anom bruă mă akan hăng Bul pơtâo plao ia rơsĭ Dak Lăk, amăng hrơi 5 blan Têt, hơmâo 10 wơ̆t ƀatô mă akan ngừ đại dương jưh ƀơi tơdrun ia, hơmâo rơbêh 50 tơn. Him lăng amăng hơdôm hrơi pơ anăp, năng ai 70 boh ƀat tô dong pơwơ̆t glăi, năng ai tơphă hơmâo akan lu mơn. Mơ̆ng bruă krăp lăng brơi ƀuh, pô ƀat tô hăng ƀing kiăo tui ngă tui djơ̆ laih tơlơi pơkôl mă akan pơ ia rơsĭ. Mơ̆ng hrơi tal 5 ƀong têt, ƀơi tơdrun ia Đông Tác, lu ƀattô mă akan ngư jưh ƀơi tơdrun ia, hok mơak, hơmâo pran biă. Ƀing hyu mơdrô, anom bơwih ƀong prôk mơ̆ng bơbrui mơtăm yơh nao tơguan lui či blơi akan tơdơi kơ ƀatô jưh mơtăm. Anom bơwih ƀong blơi akan brơi thâo, akan ngư ƀơi anih mă akan Trường Sa anai ñu prong, hiam biă, hơmâo kual Mi Kô̆, Mi hăng Japan amuaih blơi.

Tơdơi kơ Tê̆t tui phiăn juăt, ƀơi hơdôm tơdrun mă akan hơdang ƀơi tơring čar Khánh Hòa, hơdôm rơtuh boh ƀattô ječ ameč prap lui nao mă akan hơdang akŏ thun phrâo. Hrŏm hăng tơlơi čang rơmang dưi mă lu, mơnuih hyu mă akan hơdang jai hrưn đĭ tơlơi pơmĭn ngă tui hơdôm tơlơi pơkă pơgăn mă akan hơdang IUU, anăp pơhlôm bruă mă akan hơdang hơđong kjăp. Ƀơi tơdrun Hòa Rớ, mơng mơguah sing bring, hơdôm boh ƀattô hơmâo tuh ia săng, ia jâo, pơdŭ nao đă (pler), hơñôl tru hăng pel ĕp glăi măi mok hlâo kơ hyu mă akan hơdang. Tơdơi kơ pơmut hrŏm hăng mă yua djop hră pơ-ar mă akan hơdang, đơ đam tơring čar Khánh Hòa ră anai hơmâo giăm 5.200 boh ƀattô hơmâo čih anăn, kơđŏm kru hăng brơi hyu mă akan hơdang, truh 100%.

Bruă wai lăng kjăp hơdôm ƀattô djru brơi bruă wai mă akan hơdang mơng blung a, pơhlôm tong ten anih hăng wai lăng hŭi ngă soh. Thun 2025, mrô akan hơdang hyu mă mơng tơring čar Khánh Hòa dưm dưm rơbêh 238 rơbâo tơ̆n, rơnoh sĭ mơdrô pơ tač rơngiao giăm 870 klăk đôlar Mi.