VOV4.Jarai - Jơnum min gum pơgôp mơnuih tui đăo khŏp Việt Nam tơring čar Dak Lak phrâo pơphun jơnum ƀing mơnuih tui đăo khŏp Việt Nam pơjing hăng wai pơgang lŏn ia tơring čar Dak Lak tal 7. Tơring čar Dak Lak ră anai hơmâo rơbêh 217 rơbâo čô mơnuih tui đăo khŏp, glăk jơnum pơƀut ƀơi 108 boh sang jơnum.

Jơnum min gum pơgôp mơnuih tui đăo khŏp Việt Nam ƀơk gơnam pơpŭ hrơi pơphun jơnum hiam klă

Ngă tui tơlơi jak iâu “Abih bang mơnuih gum pơgôp man pơdong plơi pla phrâo, plơi prong hiam klă”, mơnuih tui đăo khŏp hrŏm hăng abih bang mơnuih amăng plơi pla ala ƀon gir run gum pơgôp hơdôm pluh klai prăk, pơyơr hơdôm rơtuh met karê lŏn kiăng kơ man pơkra jơlan glông, man pơdong anih anom, pơkra ming jơlan amăng jơlan plơi pla, amăng să. Lu tơring đăo hơmâo tuh pơ alin man pơkra anih ngui ngor, bơrơguăt drơi jăn, sang jơnum pơƀut, ngă kơ ƀing hlăk ai čơđai hơmâo anih ngui ngor. Pơ anăp anai, mơnuih tui đăo khŏp amăng djop plơi pla gir run ha pran sa jua mut hrŏm djru pơđĭ kyar bơwih ƀong huă, pơtrut bruă gum djru mơnuih mơnam, hrŏm hăng abih bang mơnuih amăng đơ đam tơring čar man pơdong plơi pla hiam klă.

VOV Tây Nguyên/Pơblang: Siu Đoan