Nao pơ anih dlăm mă akan, mơnuih trah akan ia rơsĭ Lâm Đồng djơ̆ bơyan
Thứ tư, 07:18, 24/09/2025
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Mơ̆ng tơlơi gir run nao pơ anih ia dlam hloh, bong glăi amăng kual ia rơsĭ, mơnuih trah akan ia rơsĭ djơ̆ bơyan mă akan hơdang lu, akan Nam mơ̆ng ia rơsĭ tơring čar Lâm Đồng hơmâo 4% rơnoh mă lu hloh pơkă hăng thun hlâo.
Kơnong jŭ yap mă amăng blan 8 đôč, rơnoh mă akan hơdang amăng ia rơsĭ tơring čar hơmâo rơbêh 23.200 tơn hăng yap abih bang amăng 8 blan rơgao hơmâo truh 163.300 tơn, djru mơnuih mă akan hơdang hơmâo prăk pơhrui glăi lu hloh.
Hrŏm hăng anun, pơphun lu wơ̆t hyu tir, pel ĕp kiăng tañ ƀuh, pơgăn hmao kru hlơi ngă soh glăi tơlơi phiăn pơkă kơ bruă hyu mă akan hơdang. Mơ̆ng akŏ thun truh ră anai, lu tơhan anom bruă kơnuk kơna, sang bruă hơmâo tơlơi dưi ƀơi Lâm Đồng hơmâo kĭ 27 pok hră pơtrun, đŭ prăk bơtơhmal ƀing ngă soh pơhrui glăi giăm 350 klăk prăk, hrŏ tui sa mơkrah pơkă hăng thun hlâo.
Viết bình luận