Neh wa djuai ania Hơdang ƀơi Kon Tum pơphun mông hơdor glăi kơ Khua git gai Ping gah ơi Nguyễn Phú Trọng ƀơi sang rông
Thứ bảy, 06:00, 27/07/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Mơguah lơ 26/7, Jơnum hơdor glăi Khua git gai Ping gah ơi Nguyễn Phú Trọng dưi hmâo neh wa djuai ania Hơdang ƀơi 86 bôh plơi pla gah tơring glông Tŭ Mrong, tơring čar Kon Tum ha amăng plĕ pơphun lơm 8 mông mơguah lơ 26/7/2024 ƀơi sang rông mơ̆ng hơdôm bôh plơi.
Ƀơi anai rŭp Khua git gai Ping gah ơi Nguyễn Phú Trọng dưi dưm ƀơi anih pơpŭ, abih bang mơnuih ƀôn sang amăng plơi tum pơƀut hmư̆ Khua git gai Ping gah plơi, Khua plơi yap glăi hơdôm pran jua prong prin mơ̆ng Khua git gai Ping gah ơi Nguyễn Phú Trọng amăng bruă đing nao, bơwih brơi tơlơi hơdip neh wa djop djuai ania ƀiă, pơdŏng pran gum hrŏm hơbit djuai ania, pơdŏng lŏn ia Việt Nam jai hrơi jai đĭ kyar kơjăp kơtang, thâo rơgơi, yâo mơ-ak...
Amăng mông jơnum hơdor glăi, neh wa djuai ania Hơdang pơdah tơlơi đăo kơnang khut khăt kơ Ping gah, Kơnuk kơna, pơsit pran jua ngă tui pran jua gum hrŏm hơbit gum pran hrŏm pơdŏng plơi pla kơjăp kơtang./.
Viết bình luận