Anai lĕ tal rai čuă blung a mơng Khua git gai pơ ala mơnuih ƀôn sang dêh čar Bulgaria pơ Việt Nam tơdơi kơ giăm 12 thun; anai lĕ tơlơi pơđŏm glăi yôm phăn tơlơi rô nao rai kơplah wah Việt Nam-Bulgaria, sit biă ñu lơ̆m Ƀirô Khua pơ ala mơnuih ƀôn sang dua bơnah phrâo kĭ hăng ngă tui hră pioh hơdor ngă hrŏm. Tơlơi rô nao rai giang mah, ngă hrŏm kơplah wah Ƀirô Khua pơ ala mơnuih ƀôn sang dua bơnah hơmâo hơkrŭ hăng pơđĭ kyar kơtang. Dua bơnah juăt pơbưp nao rai khua mua, tŏ tui gum hrŏm hăng dong yua tơdruă amăng hơdôm mông jơnum amăng kual hăng jar kmar mơ̆ Khua pơ ala mơnuih ƀôn sang dua bơnah nao jơnum hrŏm hơmâo Khul pơlir hơbit Khua pơ ala mơnuih ƀôn sang rŏng lŏn tơnah (IPU), Jơnum ngă hrŏm khua pơ ala kual Asia-Mi kô̆ (ASEP)…

Tal rai čuă mơng Khua git gai pơ ala mơnuih ƀôn sang dêh čar Bulgaria pơ Việt Nam amăng hơdôm hrơi blung a thun 2024 pơdah tơlơi lăng yôm hăng kơnuk kơna, mơnuih ƀôn sang Bulgaria hăng Việt Nam kar hăng gơyut gơyâo hiam klă, đăo gơnang hăng jing sa amăng hơdôm boh dêh čar ngă gŏp yôm hloh hăng Bulgaria ƀơi kual Ngŏ dơnung Asia.