VOV4.Jarai - Amăng rơwang Jơnum ngui čơđai muai mơbruă djop djuai ania đơ đam dêh čar tal 4, mơguah lơ 23/9, ƀơi Hà Nội, Khul hlăk ai rơnuk Hồ Chí Minh dêh čar ta, Khul čơđai muai dêh čar ta pơphun ngă Lơphet Bơni “Čơđai mơbruă djop djuai ania đơ đam dêh čar tal 4 thun 2022”. 263 čô čơđai mơbruă mơng 54 djuai ania adơi ayong dưi bơni hăng đĭ čơkă mă Hră bơni mơng Grŭp mă bruă Khul hlăk ai dêh čar ta.

Ơi Trần Tuấn Anh nao pơhmư̆ mông ngă Lơphet bơni “Čơđai muai mơbruă djop djuai ania đơ đam dêh čar tal 4 thun 2022

Anai lĕ ƀing čơđai djop djuai ania hmâo bôh than prong amăng hrăm hră, pơhrăm drơi, gum hrom klă amăng bruă khul grŭp; Abih pran jua anăp nao gum hrom hơdôm tơlơi ngui ngor, hơdôm bruă hơduah ĕp djă pioh ngă tui gru grua bôh thâo djuai ania yua kơ Khul čơđai muai dêh čar ta pơphun. Biă ñu, ƀing čơđai ƀu djơ̆ kơnong kơ čơđai hrăm rơgơi lu thun ôh mơ̆, dô̆ hmâo mă lu pri bơni prong amăng hơdôm tal pơplông dong./.

Siu H’ Prăk: Pơblang