Pơ ala kơ khua mua Ping gah, Kơnuk kơna, ơi Trần Thanh Mẫn lăng yom, bơni kơ tơlơi gir run, ngă bruă rơgơi mơ̆ng ƀing khua, mơnuih mă bruă mơ̆ng Sang bruă in pơkra hơdrôm hră hăng bơni kơ tơlơi ngă hrŏm kjăp, prăp rơmet mă pô hăng glăm bruă prong biă mơ̆ng djŏp anom bruă lơ̆m ječ ameč dăp hơdră, in pơkra hăng ba yua hơdrôm hră. Biă ñu lĕ hơdrôm hră hơdor glăi 80 thun hrơi ruah khua pơ ala mơnuih ƀôn sang dêh čar Việt Nam blung a.

Hơdôm hơdrôm hră hơmâo čih pơkra klă biă, yom pơphăn mơtăm yua dah hơmâo pơƀut glăi dlăm djŏp tơlơi găl, tơlơi pơtô djơ̆ hăng tơlơi hơmâo sit nik, djru ba ƀing khua, mơnuih ping gah hăng mơnuih ƀon sang thâo hluh dlăm hloh kơ tơlơi yom gru phun đưm mơ̆ng Ƀirô khua pơ ala mơnuih ƀôn sang dêh čar amăng bruă ngă hơkrŭ hing ang mơ̆ng Ping gah hăng djuai ania, tơlơi dưi ngă prong hăng tơlơi lăp hơdor hloh mơ̆ng Ƀirô khua pơ ala mơnuih ƀôn sang mơ̆ng 15 rơwang bruă.