Amăng mông ngă yang h’ŭ sit nik, ƀing khua mua apăn bruă hăng mơnuih ƀôn sang nao čuh ñang, pioh sa mơnit hơdor glăi ƀơi anăp bơngăt jua ƀing tơhan khin hơtai djai pơsăn drơi jăn yua kơ lŏn ia, ƀing ngă hơkrŭ đưm adih khăp kơ lŏn ia, tuh drah pơčah asar yua kiăng rơngai, mơai pô kơ Lŏn ia.

Anai lĕ mông gêh găl pioh pơtô hrăm tơlơi khăp kơ lŏn  ia, hơdor tơngia kơ tơhan hơkrŭ, djru khul hlăk ai čơđai rơnuk anai khom hơdor pioh na nao laih anun đăo kơnang tong ten kơ bruă man pơdong, wai pơgang lŏn ia. Nao jơnum ngă yang h’ŭ hrŏm hơmâo ơi Lê Chí Quyết, Kơ-iăng khua hơđăp jơnum min mơnuih ƀôn sang tơring čar Dak Lak, Kơ-iăng khua ping gah tơring čar Dak Lak hơđăp, ol kơdol pran jua lăi pơthâo anŏ yom bruă ngă hơdor kơ ƀing tơhan hơkrŭ ƀrô Jơnum ruah khua ping gah dêh čar tal XIV truh kih, jai kraih yom hloh kiăng pơtô lăi kơ bruă hơkrŭ đưm, ngă kơjăp tơlơi đăo kơnang kơ ƀing khua mua, mơnuih apăn bruă ping gah hăng mơnuih ƀôn sang đăo kơnang tong ten kơ Ping gah.