Khua git gai ping gah ƀôn prong HCM ơi Nguyễn Văn Nên hrŏm hang grup khua mua ƀôn prong, ƀing khua mua hơđăp ping gah, kơnuk kơna, khua mua amăng ƀôn prong HCM, ling tơhan djop anom bruă, khul grup mơnuih tơpuôl, djop sang bruă mơnuih mut phung, grup khua mua pơtom hiăp mơ̆ng dêh čar tač rơngiao dŏ ƀơi ƀôn prong HCM, grup khua mua djop tơring čar, ƀôn prong gah kual Dơnung hrŏm hăng lu khul grup mơnuih ƀôn sang mut nao h’ŭ jôk mơyut Khua git gai ping gah ơi Nguyễn Phú Trọng hăng pơdah rai pran jua hning rơngôt tui prong biă mă.

Ơi Nguyễn Văn Nên čih pioh amăng hơdrôm hră jôk hơmâo črăn: “Ƀing gơmơi hơdor bơni na nao kơ sa čô khua mơnuih thâo luă gŭ biă mă, jĕ giăm mơak, hơmâo pran jua gir run kơtang biă mă; sa čô khua kơnuih kơdrưh hiam, prong prin, sa čô khua apăn bruă ping gah, mơnuih ping gah ba gru hiam, tong ten, khin hơtai; sa čô khua pran jua rơgoh, tơpă hnơ̆ng, thâo rơgơi; sa gru bơngač ba jơlan hlâo amăng bruă hrăm, hla tui tơlơi pơmin, pran jua klă, tơlơi dŏ dong ƀong huă djơ̆ lăp mơ̆ng Wa Hồ khăp ƀu-eng. Gơmơi ƀuăn amăng pran jua hrăm, hla tui gru hiam ih hăng ƀing anong wa rơgơi kơhnâo hlâo đưm, ƀuăn ngă tui gru grua hiam djơ̆ lăp, gum pơgôp hloh, gir run lu, khut khăt pơsit pran jua hloh, kơtưn man pơdong ƀôn prong HCM “Blang hyơr bơnga anăn mah” kah hăng tơlơi ih či kiăng, čang rơmang hăng pơtô lăi, djru hrŏm hăng abih bang amăng dêh čar ta, yua kơ abih bang amăng lŏn ia man pơdong hăng wai pơgang dêh čar Việt Nam jai hrơi thâo rơgơi mơak hlak, pơdrong sah. Rơkâo mơ-it nao kơ sang anŏ ơi Nguyễn Phú Trọng hăng tơlơi juh alum rơngôt hning hrŏm dơlăm hloh”.