Mơguah lơ 2/10, Ping gah tơring čar Quảng Ngãi pơphun Jơnum lăi pơthâo tơlơi pơtrun mơng Ding jum kơđi čar kơ bruă ruah khua mua. Amăng mông jơnum, ơi Hoàng Đăng Quang, kơ-iăng Khua khul pơphun bruă gơnong glông lăi pơthâo tơlơi pơtrun mơng Ding jum kơđi čar kơ bruă ruah khua mua. Tui anun, Ding jum kơđi čar pơsit ruah ơi Hồ Văn Niên-Kơ-iăng Khua Ding jum djuai ania hăng tơlơi đăo, mut aamăng Khul apăn bruă, Khul gum bruă Ping gah tơring čar Quảng Ngãi rơwang thun 2025-2030 hăng ngă Khua git gai Ping gah tơring čar Quảng Ngãi rơwang thun 2025-2030, plih hĭ yă Bùi Thị Quỳnh Vân hơmâo Ding jum kơđi čar ruah ngă Kơ-iăng Khul pơphun bruă gơnong glông. Ơi Hồ Văn Niên tơkeng lơ 15/10/1975; djuai ania Bahnar; plơi pla ƀơi tơring čar Gia Lai; hrăm cử nhân gah tơlơi phiăn, cử nhân Lý luận Chính trị.

Đĭ pơhiăp amăng mông jao bruă, ơi Hồ Văn Niên, Khua git gai Ping gah tơring čar Quảng Ngãi phrâo brơi thâo, bruă Ding jum kơđi čar ruah ngă Khua git gai Ping gah tơring čar Quảng Ngãi lĕ tơlơi pơ-ư ang prong biă mă hăng ñu pô. Ơi Hồ Văn Niên ƀuăn tŏ tui kjăp bruă kơđi čar, hơdip hiam klă; ba gru; jê̆ giăm ƀon lan, ha pran hrŏm hăng Khul apăn bruă, Khul gum bruă Ping gah tơring čar tŏ tui pran gum pơgôp, ngă truh kih hơdôm hơnong pơkă amăng tơlơi pơtrun mơng Jơnum Ping gah tơring čar tal XX, rơwang thun 2025-2030 ba tơbiă.