Lơ  6/10, Jơnum lok 8, Ping gah dêh čar tal 13 yak amăng hrơi ngă brua tal 5. Yang hrơi mơguah, Khul khua apăn bruă git gai Ping gah dêh čar ngă bruă ƀơi Sang jơnum prong bơkơtuai Pơtum glăi 15 thun ngă tui Tơlơi pơtrun mơ̆ng Khul khua apăn bruă git gai Ping gah dêh čar tal 10 kơ akŏ pơdong mơnuih rơgơi mơbruă amăng rơnuk đĭ kyar măi mok phrâo, lŏn ia phrâo. Yă Trương Thị Mai, Ding kơna ding jum kơđi čar, Khua gum bruă git gai ping gah, Khua anom pơphun bruă ping gah pơ ala kơ Ding jum kơđi čar git gai bruă bơkơtuai.

Yang hrơi mơguah, Khul khua apăn bruă git gai Ping gah ruah ơi Lê Hoài Trung, Ding kơna Ping gah, Khua anom bruă pơtom hiăp Ping gah ngă Ding kơna Khul khua gum bruă git gai Ping gah tal 13. Yang hrơi tlam, Khul khua apăn bruă Ping gah ngă bruă ƀơi grup, bơkơtuai pơtum glăi 20 thun ngă tui Tơlơi pơtrun mơ̆ng Khul khua apăn bruă git gai Ping gah tal 9 kơ pơtrut tui pran kjăp kơtang gum pơgôp djuai ania yua kơ mơnuih ƀôn sang pơdrong, lŏn ia kơtang, mơnuih mơnam dưm kơnar, mơnuih ƀôn sang ngă pô, thâo rơgơi.