Ơi Lê Huy Toàn ngă Khua khul čih tơlơi pơhing tơring čar Lâm Đồng
Thứ tư, 11:11, 22/10/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Tlam lơ 21/10, Khul čih tơlơi pơhing tơring čar Lâm Đồng pơphun jơnum ruah Khul git gai phun hăng ƀing khua prong, laih dong pơčrâo jơlan ngă bruă amăng hơdôm blan rơnuč thun 2025.
Khul hơmâo akŏ pơdong kiăo tui bruă pơmut Khul čih tơlơi pơhing 3 boh tơring čar Lâm Đồng, Dak Nông hăng Bình Thuận, hăng rơbêh 600 čô. Khul khua git gai tal phrâo hơmâo 27 čô.
Jơnum anai hơmâo ruah ơi Lê Huy Toàn, ding kơna Ping gah tơring čar, Khua dăp hră pơhing hăng Pôr pơhing pơdah rup Lâm Đồng ngă Khua khul. Pơhiăp ƀơi mông tŭ mă bruă hơmâo jao, ơi Lê Huy Toàn pơsit amra hrŏm hăng khul grup git gai amra djru brơi Khul mă bruă klă, hơđong, pơtrut tui tơlơi gơgrong bruă mơ̆ng ƀing čih tơlơi pơhing gah bruă kơđi čar, tơlơi pơmin, djru tơring čar đĭ kyar.
Viết bình luận