Nao Jơnum hơmâo 300 čô khua mua pơ ala brơi pran hrưn đĭ, čang rơmang mơng giăm 85 rơbâo čô mơnuih mă bruă amăng Khul mơnuih mă bruă mut phung Việt Nam. Rơwang thun 2018-2023, djop gưl khul mơnuih mă bruă mut phung Việt Nam pok pơhai lu bruă hăng 3 tơlơi akŏ phun, hơmâo lu hơdră pơplih phrâo amăng bruă mă, tơlơi pơčeh kiăng djơ̆ hăng tơlơi rơkâo sit nik, lăp djơ̆ amăng pơđĭ kyar hrŏm. Jơnum hơmâo ruah Khul apăn bruă amăng Khul mơnuih mă bruă mut phung Việt Nam tal 6, rơwang thun 2023-2028 hơmâo 35 čô khua mua.

Ơi Ngọ Duy Hiểu, Kơ-iăng khua khul tŏ tui hơmâo tơlơi dong yua, đĭ ngă Khua khul mơnuih mă bruă mut phung Việt Nam tal 6. Rơwang thun 2023-2028, Khul mơnuih mă bruă mut phung hơmâo pơsit tong 3 bruă akŏ phun hơmâo. Pơjing mơnuih apăn bruă djop gưl; gum hrŏm khua mua hơdôm anom bruă, anom bơwih ƀong sĭ mơdrô hrưn đĭ kjăp dong kơ mơnuih mă bruă; pơtrut kơtang pơplih mă yua boh thâo phrâo amăng hơdôm anom bruă, đing nao pơplih bruă mă amăng khul.