Mơguah lơ 6/11, ping gah tơring čar Gia Lai jơnum ngă tui Hră pơtrun mơ̆ng Khul apăn bruă ping gah dêh čar kơ bruă ruah mơnuih ngă khua apăn bruă. Tui hăng anun, ơi Nguyễn Ngọc Lương, Khua Git gai mơ̆ng gơnong dlông Khul tơdăm dra mut phung rơnuk Hồ Chí Minh, dưi ruah ngă kơ-iăng khua git gai ping gah tơring čar Gia Lai rơwang bruă thun 2020-2025.

Ơi Nguyễn Ngọc Lương, 48 thun, plơi pla Thiệu Vận, Thiệu Hóa, tơring car Thanh Hóa; tơlơi hrăm dlông truh kơ tiến sĩ nai prin tha gah tơlơi phiăn, hrăm gưl dlông gah bruă pơtô djơ̆ kơđi čar Cao cấp lý luận chính trị. Hlâo kơ ruah ngă kơ-iăng khau git gai ping gah tơring čar Gia Lai, ơi Nguyễn Ngọc Lương ngă Khua git gai phun Khul tơdăm dra rơnuk Hồ Chí Minh dêh čar, Khua Khul hlăk ai pơlir hơbit Việt Nam. Ră anai, tơring čar Gia Lai hơmâo Khua ping gah lĕ ơi Hồ Văn Niên, Kơ-iăng khua ping gah ơi Châu Ngọc Tuấn hăng 2 čô kơ-iăng khua pơkŏn lĕ Rahlan Chung hăng ơi Nguyễn Ngọc Lương.