Ƀơi mông tŭ jum, ơi Nguyễn Phú Trọng Khua git gai ping gah dêh čar ta lăi, Việt Nam dong yua jơlan hơdră pơđĭ kyar hăng man pơdong lŏn ia Kur laih anun đăo kơnang Kur amra tŭ mă lu boh tơhnal prong hloh, phrâo hlom bom lơ̆m ngă tui jơlan hơdră pơtrun mơ̆ng ping gah CPP rơwang bruă thun 2023-2028 hăng bruă mă yôm mơ̆ng kơnuk kơna tal VII pơtrun.

Khua git gai ping gah rơkâo dua bơnah pok pơhai tŭ yua boh yôm phun tal pơbưp plah wah khua mua dua bơnah ping gah hăng tal jơnum klâo čô khua apăn bruă ping gah Việt Nam-Kur-Lao; ăt pơblih hơdră mă bruă gum hrŏm plah wah dua bơnah ping gah kiăng ngă djơ̆ boh tơhnal pơtrun bruă mă rơnuk phrâo. Tui hăng anun ăt lăng yôm bruă kơđi čar jing tơmeh phun anăp nao bruă mă abih bang jơlan hơdră ngă giăng mah dua bơnah; ngă kjăp tui gum hrŏm gah ling tơhan, pơgang rơnuk rơnua lŏn ia, kơtưn bruă pơtom hiăp, pơjing bruă mă pơblih phrâo kơtang hloh, pơđĭ tui boh tŭ yua amăng bruă bơwih ƀong huă, pơtô hrăm, gru grua hiam, boh thâo ia rơgơi hăng pơtrut jĕ giăm mơnuih ƀôn sang.