Bơni hơ-ơč kơ ơi Nguyễn Quốc Đoàn dưi hơmâo ping gah, kơnuk kơna đăo kơnang jao ngă bruă phrâo, Khua dêh čar ơi Phạm Minh Chính čang rơmang ơi Nguyễn Quốc Đoàn hăng bruă ngă phrâo khom gir run abih pran jua pô, ngă giong bruă jao.

Pơhiăp ƀơi mông jơnum, Kơ-iăng khua anom epl ĕp bruă kơnuk kơna ơi Nguyễn Quốc Đoàn ƀuăn hăng bruă ngă phrâo, amra gir run abih pran jua, kơtưn hloh hăng tơlơi gơgrong ba prong, ƀu pơdơi ôh hrăm tui, gir run pran jua kiăng glam ba, gơgrong amăng bruă mă, pơtop hrăm, ƀư̆ pơkra tơlơi pơmin, pran jua, tui tơlơi dŏ dong ƀong huă mơ̆ng khua mir sir Hồ Chí Minh, hrŏm hăng abih bang khua mua, khul mơnuih apăn bruă anom pel ĕp bruă mă kơnuk kơna djă kơjăp tơlơi thâo gum pơgôp, tŭ ư sa pran jua, pơyơr pran jua amăng bruă mă, găn rơgao hĭ tơlơi lông lăng, gun gan amăng bruă mă, kiăng pơgôp hrŏm pran jua, ai hơtai kơ bruă čar kiăng bruă mă pel ĕp amăng kơnuk kơna jing kah hăng đao gưm ƀong hloh, tơma hloh mơ̆ng Ping gah hăng kơnuk kơna, laih anun jing anih ưh kơnang tong ten kơ mơnuih ƀôn sang.