Pơhiăp ƀơi mông mă bruă, ding kơna khul git gai ping gah dêh čar, Khua anom pơtô bruă ping gah dêh čar ơi Nguyễn Trọng Nghiã lăi pơtong: Amăng abih rơwang bruă hơkrŭ lŏn ia, bruă mă gru grua hiam lĕ Ping gah ta đing nao biă mă. Boh nik ñu, mơ̆ng akŏ rơwang bruă ping gah dêh čar tal 13 truh ră anai, amăng bruă gru grua hiam thâo tơlơi thăi jai kraih đing nao lu.

Djop mơta tơlơi čih djru pơgôp hiăp amăng mông mă bruă hơmâo pơtong glăi mơkrah rơwang bruă ngă tui Hră pơtrun mơ̆ng Ping gah dêh čar ral XIII hăng hơdôm mơta hră pơtrun mơ̆ng Gơnong dlông, amăng anun lăi nao gru grua hiam tơlơi thâo thăi ană mơnuih đing nao lu hloh. Pơ anăp anai, Ding jum Gru grua boh thâo pơrơguăt drơi jăn hăng tuai čuă ngui ăt kơsem min dơlăm hloh, pơđĭ tui tơlơi thâo djop djel amăng gru grua hiam tơlơi thâo thăi tui hăng Hră pơtrun mơ̆ng ping gah dêh čar tal XIII pơkă, pơđĭ kyar gru grua hiam thâo thăi tui tơlơi pơmin anŏ kiăng mơ̆ng Ping gah, anăp nao ngă tui hlom bom, mơak klă, amăng anun lăi nao ană mơnuih yơh phun, khul grup mơnuih ngă bruă hơ̆k hơr adoh suang pô gơgrong amăng bruă gru grua hiam.