Ƀơi mông mă bruă, Khua mir sir ơi Nguyễn Xuân Phúc pơtrun hiăp Khul khom pơkjăp glăi bruă mă mơ̆ng Gơnong dlông truh pơ djop gưl pơyŭ, ngă tui hơdră mơnuih mơnam djru hrom, pơtrut kơtang bruă mă; rơkâo đĭ jơlan hơdră, tơlơi phiăn djru, rơdêh đĭ mă bruă, hơmâo wơ̆t kông ngăn djru mơ̆ng khul mơnuih mơnam bơwih brơi kơ bruă mă amăng khul ia jrao kyâo bơrơkal mriah, mơnuih mă bruă kiăng hơđong hloh.

Lăng pơtong Khul ia jrao kyâo bơrơkal mriah ngă tui bruă tết djru mơnuih mơnam, tơlơi khăp pap ama­ng hrơi ngă yang thun phrâo ƀong tết Quý Mão, Khua mir sir ơi Nguyễn Xuân Phúc pơtă pơtăn mơ̆ng ră anai truh hrơi ngă yang thun phrâo ƀu lu dơ̆ng tah, Khul khom hơmâo hơdră, akŏ bruă pok pơhai ngă tui tum teč, kiăng ngă hrom djop ding jum, anom bruă hăng djop tơring čar, laih anun pơtum djop pran kơtang tơlơi djru mơ̆ng mơnuih mơnam, bơwih brơi hrơi mơak ngă yang thun phrâo huăi kơƀah djru kơ mơnuih ƀun rin, sang anŏ tơnap tap.