Tlam tom brơi (lơ 24/11), ƀơi Hà Nội, ơi Nguyễn Xuân Thắng, Ding kơna ding jum Kơđi čar, Khua sang bruă Kơđi čar Dêh čar Hồ Chí Minh, Khua khul čih tơlơi pơtô djơ̆ Ping gah ngă bruă hăng Sang hră kơsem min boh thâo ia rơgơi mơnuih mơnam Việt Nam kơ “Bruă kơsem min boh thâo tơlơi pơtô djơ̆ kơđi čar hăng ba tơbiă hơdră ngă hrŏm kơplah wah Khul kơsem min tơlơi pơtô djơ̆ Ping gah hăng Sang hră kơsem min boh thâo ia rơgơi mơnuih mơnam Việt Nam”.

Pơhiăp ƀơi mông ngă bruă, ơi Nguyễn Xuân Thắng brơi thâo, ƀing ta găn rơgao rơbêh ha mơkrah rơwang bruă laih, mông anai glăk klă hiam, lăp djơ̆, prăp rơmet kơ bruă čih pơkra hră pơ-ar Jơnum ping gah tal 14. Yua hnun, bruă pơsit jơlan hơdră ngă bruă, pơphun bruă, tơlơi kiăng ngă, bruă kiăng kơsem min mơ̆ng Sang hră kơsem min boh thâo mơ̆ng gưl anet truh gưl prong khŏm pơphun ngă hiư̆m pă, biă ñu khŏm pơtŏng glăi anŏ klă mơ̆ng bruă kơsem min anai đah mơ̆ng dưi ba tơbiă hơmâo hơdôm tơlơi lăi pơthâo rơkâo đĭ.