Hră lăi pơthâo hlâo lơ̆m ming pơkra glăi pơsat jep Khua mir sir Hồ Chí Minh, Khua wai lăng Khul ngă bruă ƀơi pơsat jep Khua mir sir Hồ Chí Minh, Khua tơhan khul mrô 969, Đại tá Phạm Hoài Trung brơi thâo, ngă tui bruă jao, Khul wai lăng pơsat jep hơmâo dăp hơdră, ming pơkra glăi, prăp lui mơnuih mă bruă, gơnam yua, hơdră či mă bruă, ngă hrŏm pok pơhai ming pơkra pơsat jep klă hloh, rơnuk rơnua hăng ngă giong hrơi blan pơkă.

Tơdơi kơ ming pơkra glăi, drơi jăn atâo Khua mir sir Hồ Chí Minh ăt dưi pơgang pioh klă hiam; gơnam yua măi mok boh thâo ia rơgơi pơhlôm brơi klă, djơ̆ hnong, lăp đăo kơnang, djơ̆ mrô rơnoh pơkă; anih anom hyu ĕp lăng, sang dŏ, anih anom mă bruă amăng khul pơsat jep, sang juă glai, anih mă bruă khom ngă hiam rơgoh; ƀing apăn bruă, mơnuih rơgơi kơhnâo, ling tơhan dŏ mă bruă hrăm tui na nao pơđĭ tơlơi thâo amăng bruă mă kiăng ngă giong djop bruă kơđi čar jao kơ puih kơđông.