Tlam mơmŏt lơ 2/11, ƀơi sang jơnum dêh čar, Khua dêh čar ơi Phạm Minh Chính nao jơnum hăng đĭ pơhiăp ƀơi mông lăi pơthâo gơnam sĭ mơdrô djă anăn dêh čar Việt Nam tal 8, thun 2022. Tơdơi kơ giăm 20 thun pok pơhai ngă tui, mrô sang bruă sĭ mơdrô dưi ngă djơ̆ anăn dêh čar pơsit đĭ lu tui amăng rĭm thun, mơ̆ng 30 boh anom bruă đôč amăng thun 2008 đĭ truh 172 boh anom bruă amăng thun 2022. 172 boh anom bruă djă anăn dêh čar thun 2022 hơmâo boh tơhnal sĭ mơdrô lăp bơni biă mă rơnoh prăk pơhrui glăi thun 2021 năng ai 1.570 rơbâo klai prăk, duh jia kơ prăk kơnuk kơna giăm 129 rơbâo klai prăk, pơsir bruă mă, djru kơ 600 rơbâo čô mơnuih mă bruă apah hơmâo prăk pơhrui glăi hơđong, ngă klă jơlan hơdră ngă hơđong tơlơi hơdip mơda mơnuih mơnam hăng tơlơi glăm ba amăng mơnuih mơnam mơ̆ng ƀing ngă bruă sĭ mơdrô.

Khua dêh čar ơi Phạm Minh Chính hyu ĕp lăng gơnam ba pơdă djơ̆ anăn

Việt Nam thun 2022 (TTXVN)

Pơ ala kơ ping gah, kơnuk kơna, Khua dêh čar ơi Phạm Minh Chính bơni kơ 172 boh anom bruă sĭ mơdrô pơkra ming gơnam tam sĭ mơdrô hơmâo gơnam sĭ mơdrô djă anăn dêh čar thun 2022; laih dơ̆ng lăi pơtong, bruă mă akŏ pơjing hăng pơđĭ  tui gơnam djă anăn dêh čar yôm biă mă hăng anai lĕ bruă mă kơtrâ̆o samơ̆ hing ang kơ khul ngă bruă sĭ mơdrô, anom bruă pơkra ming gơnam sĭ mơdrô Việt Nam.